حقائق لا تعرفها عن الغجر

تعرف على الغجر و من هم و من اين اتو 

كثير منا بيسمع كلمه الغجر و لكن هل سألت نفسك مين هما الغجر و ايه اصلهم و عاداتهم و كمان معتقداتهم و دة اللي هنعرفه فى المقاله ديه .

وفقا لقاموس المعاني فا كلمه الغجر هيا كلمه معناها "قوم متجولون " بالبلدي كدة مش بيستقرو فى مكان واحد و حياه كلها عباره عن سفر و تنقلات من مكان للتاني ,

و بيبقو منتشرين فى كل القارات و على الرغم من انهم بيبقو فى مجتمع ليه عاداته و تقاليده اللي ممكن تأثر عل اي فرد يدخل فى حياتهم ,

و الغجر مش بيتأثرو و بيتمسكو بتقاليدهم و حياتهم كلها عايشه على التجاره و عزف الموسيقي و بعض الصناعات البسيطه ,

و الغجر بيتوصفو بالتشدد على عاداتهم و ده سبب من اسباب عدم تأثرهم بأي عادات ثانيه ,

اما بقا عن اصل الغجر 

فتختلف الاقوال و الابحاث فى اصول الغجر حيث يقال ان الغجر اصلهم من المجر او رومانيا و يقال ايضا ان اصلهم يعود الى مجموعه عسكريه متنوعه اتجمعت خلال القرون الماضيه لقتال المسلمين فى منطقه تقع شمال الهند ,

مرورا بالشمال الغربي من ايران الى ارمينيا لتنتقل بعد كدة الى شبه جزيره البلقان و اللي بسببها تمت اضافه بعض من اللغه الصربيه الى لغتهم ,

و بعد كده مبقوش مجموعه واحده و لكن اتفرقو الى مجموعات صغيره و انتشرو فى اوروبا و شمال افريقيا ,

و فى بدايه هجرتهم لم يتم الترحيب بيهم و كانو بيتعرضو لمضايقات و ايذاء نفسي بسبب اختلاف مظهرهم و لغتهم و ده اللى خلا نمط الحياه الغجريه عباره عن ترحال و سفر من مكان الى الاخر ,

و فى وقتنا الحالى الغجر منتشرين فى العالم كله , و حياتهم الاقتصاديه عباره عن اعمال تناسب ترحالهم و تنقلهم على مر العصور مثل الاعمال المعدنيه و تجاره الخيول و النجاره و كانت الوظائف بتتنوع وفقا لمجموعاتهم العرقيه اذ كان غجر رومانيا محترفين فى تدريب الحيوانات و الاستعراض ,

ايه هيا معتقدات الغجر 

الغجر عندهم نظام محرمات قوي جدا و من ضمن معتقداتهم ان الجزء السفلي من الجسم ملوث و كل حاجه بتلمسه تكون ملوثه ,

اما الجزء العلوي من الجسد يعد نقيا و نظيف ,

و يتم عزل المرأه و مولودها لان المولود يعتقد انه غير نظيف و ملوث لفتره معينه ,

ايه هيا ديانه الغجر 

بتتنوع ديانه الغجر بسبب التفرق اللى حصلهم و اصبح جزء كبير جدا منهم مسلم زي جزء فى البوسنه و الهرسك ,

اما فى اوروبا الغربيه تحولو الي الكاثوليكيه بينما اتبع الجزء اللى فى الجبل الاسود و صربيا مذهب الارثوذكس ,

و منهم كثير فى الشرق الاوسط حيث يصل عددهم الى حوالي 2500000 نسمه .