عمل بحث كليه حقوق جميع الجامعات 2020
اسهل طريقه لعمل بحث كليه الحقوق 2020
افرع تدوينه عمل بحث لكليه الحقوق
-اعمل بحث لوحدي و لا اعمله فى مجموعه .
-ليه نعمل مجموعه تعمل البحث .
-ازاى نختار مجموعه عمل بحث كليه حقوق .
-نعمل البحث عن طريق الكتب ولا الملازم .
-نكتب البحث عن طريق اليد و لا الوورد .
-ازاي نبعت البحث لكليه الحقوق .
-كم مده تسليم البحث .
-الموضوعات المطلوبه للبحث .
-طريقه عمل بحث حقوق بالتفصيل .
-كتابه مقدمه البحث .
-كتابه اشكاليه البحث .
-كتابه موضوع البحث .
-كتابه موضوع البحث .
-كتابه خاتمه البحث .
فى التدوينه ديه هعرفكو ازاي تعملو بحث كليه الحقوق جميع الجامعات بسهوله و من اول مره تنجح فى بحث كليه الحقوق اطمن خالص البحث موضوعه سهل و مفيش فيه مشكله و هيبقا فى نموذج كامل للبحث بسهوله .
اعمل البحث لوحدي ولا اعمله مع مجموعه من الطلاب
طبعا الافضل انك تعمل جروب مثلا مكون من اربع طلاب و تعملو البحث مع بعض و يفضل يكون الجروب مكون من اربع طلاب على الاكثر ,
طب ليه نعمل جروب من اربع
عشان تقدرو توزعو الشغل علي بعض و البحث يكون سهل اكثر من انك تعمل بحث كليه حقوق لوحدك ,
مثلا لو البحث عباره عن مطلبين او مبحثين نقدر نخلي كل اثنين يعملو مطلب او يعملو مبحث من البحث المطلوب لكليه الحقوق و الكلام بنطبق على جميع الجامعات .
ازاي هنختار المجموعه اللي هنشتغل معاها على البحث
طبعا هنختار من المجموعه اللي حضرتك فيها مثلا مجموعه أ او مجموعه ب او ج ,
نعمل البحث عن طريق الكتب ولا الملازم
طبعا مينفعش تعمل البحث من الملازم و لازم البحث من الكتب (كتاب الدكتور) او عن طريق مراجع و هنضيف روابط المراجع فى اخر التدوينه .
نكتب البحث على الوورد و لا بخط اليد
طبعا نكتب البحث علي الوورد و طبعا هيكون حجم الخط 14 .
ازاى هنبعت البحث لكليه الحقوق
طبعا هنبعت البحث اونلاين و طبعا الكليه هتوضح الكلام ده الفتره اللي جايه و طبعا البحث من غير تقدير يعني مفيش جيد و جيد جدا و الكلام ده يا اما تنجح يا اما تنجح برضو .
مده تسليم البحث
تبدأ مده تقديم البحث من يوم 31/5 بعد العيد و هتمتد لمده 30 يوم ان شاء الله
الموضوعات المطلوبه للبحث
طبعا كل ماده و الدكتور اللي بيقدمها هيطلب منكم الموضوع المحدد فى البحث و فى انتظار وقت تحديد المواضيع الخاصه بالابحاث .
-كيفيه عمل البحث بالتفصيل
طبعا كليه حقوق كليه فهم مش كليه حفظ و طبعا ده افضل وقت انك تطبق الكلام دة و انك تفهم الموضوع و تكتبه فى فهمك انتا و اسلوبك انتا ,
مكونات بحث كليه الحقوق
مقدمه
موضوع
خاتمه
كتابه مقدمه البحث
مثال سوف نتحدث فى هذا البحث عن موضوع في غايه الاهميه و تبدأ تكتب عن الموضوع بشكل موجز و مختصر جدا و توضح ايه اللي انتا هتكتبه فى البحث
الاشكاليه فى مقدمه البحث
و ديه بتكون عباره عن مثلا ان البحث ده فيه اشكاليه من خلاف الفقهاء او ايه هيا المشكله اللي موجوده فى البحث ده او مثلا خلاف بين المشرع و الفقهاء.
عدد كلمات البحث
طبعا ديه بتختلف من دكتور الي اخر يعني مثلا ممكن دكتور يطلب منكم بحث 500 كلمه و ممكن دكتور يطلبه 3000 كلمه .
كتابه موضوع البحث
تقسيم موضوع البحث الى
المبحث الاول متفرع منه المطلب الاول متفرع منه فرع اول و فرع ثاني و فرع ثالث و ممكن يكون من غير فروع ,
و ممكن يكون فيه مبحث ثاني و لكني يجب ان يكون على نهج المبحث الاول و هكذا اذا اردت ان تكتب اكثر من مبحث .
كتابه خاتمه الموضوع
و هي تكون عباره عن خاتمه تتكون من كلام شخصي مثلا الحمد لله الذي تتم بنعمته الصالحات علي التوفيق للوصول الي النتائج فى هذا البحث و تبدأ تعرض رأيك فى البحث و بعض الحلول اذا امكن .